ရှေးမြန်မာပန်းချီ

မြန်မာပန်းချီအစလို့ပြောရမယ်ဆိုရင် အိန္ဒိယပြည်ကနေတဆင့် မြန်မာဆီကိုပြန့်နှံ့လာခဲ့တဲ့ အရှေ့တိုင်းပန်းချီအကြောင်းကိုပဲ ပြောရမှာပဲပေါ့.. အိန္ဒိယပန်းချီကနေ မြန်မာ့ဟန်၊ မြန်မာ့အသွင်ကိုပြောင်းလာခဲ့တာ..

သေချာတွေးမယ်ဆိုရင် ဘာသာအယူဝါဒတွေ ယဉ်ကျေးမှုအစိတ်အပိုင်းတွေ အားလုံးက အိန္ဒိယကနေတဆင့် မြန်မာကိုပျံ့ပွားလာတာတွေချည်းပဲလေ.. မြန်မာပန်းချီခေတ်ဦးမှာ ဘာသာရေးဆိုင်ရာ ပန်းချီကားတွေများခဲ့တယ်.. ဇာတ်နိပါတ်တွေရေးရာမှာတော့ တောင်တောင်ရေမြေ သဘာဝရှုခင်းတွေ.. မြို့ရွာကျေးလက်ရှုခင်းတွေ.. နန်းတွင်းအခမ်းအနားတွေပါ ပါဝင်တဲ့အတွက် လူတန်းစားအမျိုးမျိုးရဲ့ ဝတ်ပုံစားပုံနဲ့ အသုံးအဆောင်ပစ္စည်းတွေ.. အတီးအမှုတ်တူရိယာတွေ.. သွားလာလှုပ်ရှားပုံဓလေ့တွေကိုပါမြင်ခွင့်ရတယ်..

ရှေးမြန်မာပန်းချီမှာ အဓိကအားဖြင့် အခြေခံပန်းချီ ၄ မျိုးရှိတယ်.. ကနုတ်၊ နရီ၊ ကပီ၊ ဂဇာ တဲ့.. ကနုတ်ဆိုတာ သကဋဘာသာ “ကောကနဒ” ကနေဖြစ်လာတာ.. ကြာခွေ၊ ကြာလိပ်၊ ကြာရိုး၊ ကြာစွယ်သဏ္ဍာန်တွေကို ဆိုလိုတယ်.. အဲဒိကြာ အခွေ အငုံ အဖူး အလိပ် အရိုး အပွင့် အသီး အရွက် အပွင့် ဝတ်ဆံ ..စတာတွေကို ကော့ခွေလိမ်ကောက် အချီအချ အတက်အဆင်းတွေနဲ့ အဆန်းတကြယ်ထုဆစ်တယ်.. ပုံဖော်ရေးဆွဲတယ်.. ခြူးပန်းခြူးနွယ်တွေပေါ့လေ.. ကနုတ်ပန်းလက်ရာတွေကို ပန်းချီမှာသာမကဘဲ ကျောက်ဆစ်ပန်းတမော့၊ ပန်းတော့ တွေမှာလည်းသုံးတယ်.. ဒီတော့ ကနုတ်ပန်းအတတ်ဆိုတာ ခြူးပန်းခြူးနွယ်တွေရေးတာမျိုးတင် မဟုတ်ဘဲ အချွန်အတက် အသွယ်အပြောင်း အတွန့်အလိမ်သဘောသက်ရောက်တဲ့ ဘယ်အရာဝတ္တကိုမဆိုရေးဆွဲတယ်လို့ ယူဆရမှာပေါ့..

နရီဆိုတာကတော့ အမျိုးသမီးဆိုတဲ့သဘောပဲ.. မြန်မာပန်းချီမှာ မင်းသား မင်းသမီးစတဲ့ လူရုပ်တွေအပြင် နတ်ဗြဟ္မာရုပ်တွေ ဆင်းတုတွေ ရုပ်ထုတွေ.. အဲဒါတွေကို အချိုးအဆက်ပြေပြေ ပြစ်ပြစ်ရေးဆွဲတာကို နရီလို့ခေါ်တာပါပဲ..

ကပီရဲ့အဓိပ္ပါယ်ကတော့ မျောက်ရုပ်ရေးနည်းပါ.. မျောက် ဘီလူး ဟင်္သာ ခြင်္သေ့ နဂါး ကိန္နရီကိန္နရာ အစရှိတဲ့ မြန်မာဒဏ္ဍာရီလာအရုပ်တွေရေးတာမျိုး.. အဲဒိအကောင်တွေကို ကနုတ်တွေနဲ့ လှလှပပ တန်ဆာဆင်ရေးကြလေ့ရှိတယ်.. သွက်လက်မြူးထူးစွာ လှုပ်ရှားတဲ့ တိရိစ္ဆာန်တွေ.. ငှက်တွေ.. ကခုန်တတ်တဲ့သတ္တဝါတွေ စသဖြင့် အမြူးအကြွ အခုန်အက သဘောရှိတဲ့ဟာတွေကို ရေးဆွဲတာကို ကပီလို့ သတ်မှတ်တာပါပဲ..

ဆင်လို ကြီးမားတဲ့ကိုယ်ထည်ရှိတဲ့ တိရိစ္ဆာန်ရေးတာမျိုးကို ဂဇာလို့ သတ်မှတ်ပါတယ်.. ထုထည်ကြီးမား မြင့်မောက်သော အရာဝတ္တုတွေ.. တည်ငြိမ်မှုသဘောပါဝင်တဲ့အရာတွေကို ရေးတာကိုလည်း ဂဇာလို့ခေါ်တယ်.. ထည်ဝါတည်ငြိမ်မှုသဘောသက်ရောက်စေတဲ့ ရေးဆွဲခြင်းတွေဟာ ဂဇာပါပဲ..

ဒီတော့ မြန်မာ့ပန်းချီဟာ အနောက်တိုင်းပန်းချီလို အနီးအဝေးတွေ ထုထည်သဘောတွေ အရောင်သဘောတွေမပါဘဲ ကောက်ကြောင်းရေးဆေးခြယ်ပဲဆိုပေမယ့် ပါဝင်တဲ့ အရာဝတ္တုတွေရဲ့ သဘောသရုပ်ကိုတော့ ပေါ်လွင်စေအောင်ရေးဆွဲနိုင်ခဲ့ပါတယ်.. အရာဝတ္တုတိုင်းရဲ့ သဘာဝသရုပ်ကို အခြေခံအားဖြင့် ၄ မျိုးခွဲပြီး တသီးတခြားသတ်မှတ်ခဲ့တယ်.. ပြောရမယ်ဆိုရင် ပကတိအသွင်အပြင်ကို တူညီအောင်ကူးရေးတာမျိုးမဟုတ်ဘဲ အကော့အလိမ်တွေ ပိုမိုပျောင်းနွဲ့တဲ့ဟန်တွေနဲ့ အသေးစိတ်ခြယ်မှုန်းတဲ့ ရေးဟန်ဖြစ်တယ်လို့ ကောက်ချက်ချလို့ရပါတယ်.. 

Nang Nyi မှရေးသားဖော်ပြပါသည်။ မူရင်းဆိုဒ် http://nangnyi.blogspot.com/2010/05/blog-post.html

ကျေးဇူးတင်ပါသည်။